Andhera

Wo sitara jo aasman ke doosre chor par apni muskaan bikher rahi hai kabhi meri zindagi ko roushan karti thi, ache din the wo aisa lagta tha kabhi raat na hogi, par kismat mere peeth peeche andhera bunn rahi thi, meri khushion ki shaam dhalne wali thi aur main issey anjaan uski roushni mein apni khushian gin raha tha, fir shaam dhal gayi, meri khushian usi andhere mein kho kar reh gayin. Mujhe malal apne khushion ke khone ka nahi, par ye ghum hai ke sitare ne bhi chupke se andhera odh liya, saath chhodne se pehle ek ishara to kiya hota...